【走唔甩】
何解係呢個標題呢，皆因一切由頭髮起。
小妹一直都以短髮示人，得閒搞搞新意思，漂下髮，染下髮，特別鐘意霧色、銀色系列。今次難得咁耐唔使返工，大學又唔理你咩色既，咁當然染個靚髮先過比利時啦！就因為咁，出事啦！
一到埗，好多三唔識七既路人呀，同學呀第一句同我講既都係：I like you hair!
Wohoooooooooooooooo！咁我當然係暗爽啦，爽呀爽呀，爽到終於開學上堂啦，噢嘛吉！今鋪大獲啦！所有老師都好容易就認得出我．．．個頭，本身成班都無咩亞洲人，再加上聽講我係第一個來自香港既學生，幾重印象下，無論我走堂定遲到，唔好意思，走唔甩啦！第一個知個個香港銀灰髮同學無返同遲返！
咁當然，我係一個乖乖學生，唔會做D咁壞透既行為既．．．我諗。
哈哈，不過其實諗諗下都好，令我更加有優勢識到更多人，即使我唔認得邊位打邊位，佢地都會主動同你Say Hi，我當然又唔理三七廿一Hi左先算啦，咁一輪既對話就從此展開啦。所以呢，我呢個頭確實係我既社交導師黎架！大家去旅行或者讀書個時都可以考慮下咁做！
Facebook專頁：https://www.facebook.com/backpackersopoor
Search